"Real"dan rasmiy bayonot: "Buni qabul qilib bo'lmaydi"

"Real Madrid" ertaga bo'ladigan finalda ishlaydigan hakamlarning o'yin oldidan bo'lgan matbuot anjumanida aytgan gaplarini qabul qilib bo'lmas gaplar deb hisoblaydi.

Bu bayonot videoyozuvlari katta miqyosdagi OAVning etiborida bo'ldi. Biz bu orqali hakamlarning final ishtirokchilaridan biriga bo'lgan "Real"ga nisbatan ochiqdan-ochiq dushmanlikni namoyish qilishdi deb hisoblaymiz.

Yanada hayratlanarlisi – tahdidli ohangda aytilgan gaplar. Bu gaplarda hakamlar birligi, taxminiy fitnalar yoki harakatlar haqida so'z boradi, va bular adolat, xolislik va betaraflik tamoyillariga mutlaqo ziddir. Bu tamoyillar butun dunyo bo'ylab yuz millionlab kishilar etiborini jalb etuvchi voqea oldidan ustuvor bo'lishi lozim.

Yuz bergan voqealarning jiddiyligini hisobga olgan holda, "Real" Ispaniya Futbol Federaciyasi (RFEF) va hakamlikka masul shaxslardan tegishli choralar ko'rishlarini va ularni himoya qiluvchi tashkilotlar tomonidan jazolar berishini kutib qoladi", – deyiladi "Real"ning rasmiy bayonotida.

Eslatib o'tamiz, Ispaniya Kubogi finali oldidan bo'lib o'tgan matbuot anjumanida bosh hakam Rikardo de Burgos Bengoechea "Real" televideniesining tanqidlari haqida gapirar ekan, yig'lab yubordi: "Farzandingiz maktabdan yig'lab kelib, otasini o'g'irlikda ayblashganini aytsa, bu og'ir holat".

VAR hakami etib tayinlangan Pablo Gonsales Fuertes "Real" televideniesida chiqqan video uchun jiddiy oqibatlarga sabab bo'lishini vada qildi.

"Real Madrid"ning klub televideniesi avvalroq de Burgos Bengoecheaning finalga hakam etib tayinlanishini tanqid qilgan videoni elon qilgan edi, u erda hakam tomonidan "Real" raqiblari foydasiga qilingan xatolarga ishora qilingan.

"Real" hakamlarning bayonotlaridan norozi va hakamlar brigadasini almashtirishni talab qilgan. Malumotlarga ko'ra, "qaymoqranglilar" hatto finalda ishtirok etmasligi mumkinligi ham bildirib o'tgan. Klub "Barsa"ga qarshi final oldidan matbuot anjumani, mashg'ulot va fotosessiyani bekor qilgan va RFEF vakillari bilan kechki ovqatga bormaslikka qaror qilgan.