Real mag'lubiyatsiz seriyasini 34ta o'yinga etkazib klub rekordini takrorladi
08 dek 2016 08:22
Yangiliklar

Real mag'lubiyatsiz seriyasini 34ta o'yinga etkazib klub rekordini takrorladi

Real ECHL 6-turida Borussiya bilan durang o'ynadi (2:2).

Madridliklar mag'lubiyatsiz seriyani 34ta o'yinga etkazib klub rekordini takrorlashdi. 1989 yilda Leo Benxakker boshchiligida Real ketma-ket 34 uchrashuvda yutqazmagandi.

Bu yil so'nggi bor Real 6 aprel kuni ECHL 1/4 finalida Volfsburgga (0:2) yutqazgandi.

Galaktikos ustozi Zinedin Zidan klub rekordi borasida o'z fikrlarini bildirdi.

Bu bilan barcha yigitlarni tabriklayman. Aynan ularning mehnatlari tufayli shunday natijaga erishdik. Bizni qo'llab turgan muxlislarga ham rahmat aytaman. Bu seriyani yana davom ettirmoqchimiz. Hali qiladigan ishlarimiz ko'p, – deydi Zidan.