"Real" hujum chizig'ida ajoyib o'yinchilar yig'ilgan" - Gvardiola

Xabaringiz bor, ertaga Chempionlar Ligasida mavsumining eng qiziqarli o'yinlaridan biri bo'lib o'tadi. "Manchester Siti" o'tish bosqichining birinchi qismida "Real"ni qabul qiladi. Manchesterliklar bosh murabbiyi Pep Gvardiola jamoasini qanchalik qiyin o'yin kutayotganini tushunib turibdi.

"Real" La Ligada birinchi o'rinda hamda "Atletiko" va "Barsa" bilan kurash olib bormoqda. Ularni mag'lub etish uchun ikkita yaxshi o'yin o'tkazishimiz kerak bo'ladi. Ha, bizga qura qiyin keldi. Ammo 24 jamoa ichida 22-o'rinni egallaganingizda, taqdirdan iltifot kutish qiyin.

Javob o'yinini uyda, muxlislaring ko'z oldida o'tkazish har doim yoqimli, biroq biz bunga loyiq bo'lolmadik.

Albatta, biz avvalgidek barqaror holatda emasmiz. Lekin yillar davomida juda yaxshi to'p tepgan futbolchilarimga ishonaman.

Ularning hujum chizig'ida ajoyib o'yinchilar yig'ilgan. Ular turlicha – qisqa va uzun paslar bilan hujumga o'tadi. Biz o'z o'yinimiz haqida o'ylashimiz kerak.

Agar biz g'alaba qozonsak, bu mavsumning qolgan qismi uchun katta turtki bo'lib xizmat qiladi. Men qanday o'ynashimiz kerakligini bilaman... Bilaman, yigitlar ham ertangi o'yinni intiqlik bilan kutishmoqda", – dedi Gvardiola.

Eslatib o'tamiz, "Manchester Siti" – "Real" bellashuvi 11 fevraldan 12 fevralga o'tar kechasi 01:00 da boshlanadi.

Avvalroq "Manchester Siti" "Bayer" futbolchilari uchun 200 mln evro hozirlab qo'ygani malum bo'lgan edi.