"Real" 2013 yilda Levandovskiga shartnoma taklif qilgan edi. Bitimning shartlari bilan tanishing

O'sha paytda Dortmundning "Borussiya"sida o'ynab yurgan polyak "Bavariya" bilan og'zaki kelishuvga erishib bo'lgan edi. 

"Qaymoqranglilar" Xose Anxel Sanches va Manuel Redondo tomonidan taklif qilingan bitim 6 yilga mo'ljallangan edi: 2014 yilning iyulidan 2020 yilning iyuniga qadar.

Levandovski shartnomani imzolashga rozi bo'lganida mahalliy soliqlar bilan qo'shib hisoblaganda 10,9 mln evro bonusga ega bo'lardi. Bundan 1,9 mln o'yinchiga darhol taqdim qilinishi, pulning qolgan qismi shartnomaning har yili uchun 1,5 mln evrodan to'lab borilishi kerak edi. Robertga soliqlarni hisobga olgan holda 8,6 mln evro yillik maosh taklif qilingan.

SHuningdek, bitimda futbolchi uchun bir nechta shartlar ham bo'lgan: Levandovski motociklda yurishi, motorli qayiqda sayr qilishi, parashyutdan sakrashi va tog'ga chiqish mashqlarini bajarishi taqiqlangan.