Rasman: "Milan" "Real" sobiq forvardini qo'lga kiritdi

"Rossoneri" rasmiy saytiga ko'ra, Luka Yovich "Milan"ga o'tdi. 

Transfermarkt malumotiga qaraganda, serbiyalik hujumchi "Fiorentina"ni erkin agent sifatida tark etgan.

Eslatib o'tamiz, 2019 yilning yozida Luka Yovich 63 million evro evaziga Frankfurtning "Ayntraxt" klubidan  "Real"ga o'tgan edi. Biroq tartib-intizomda muammolarga duch kelgan serbiyalik qirollik klubida muvaffaqiyatsizlikka uchradi – 51 uchrashuvda atigi 3 ta gol.

Yovich 2022 yilning yozida erkin agent sifatida qo'shilgan "Fiorentina"da ancha yaxshi o'ynadi. Florenciya klubi safida u 50 ta o'yin o'tkazib, 13 ta gol va 5 ta golli uzatmaga mualliflik qildi.