Rasman: "Dinamo" braziliyalik vinger transferini elon qildi

Yozgi transfer oynasining so'nggi kunida "Dinamo" jamoasi braziliyalik Markos Kaykni PFL ro'yxatidan o'tkazgandi.

"20 yoshli braziliyalik vinger kuni kecha "Dinamo" jamoasining Toshkentda o'tkazayotgan yig'iniga kelib qo'shildi. Klub va Markos Kayk o'rtasida 2025 yilning yakuniga qadar belgilangan 1,5 yillik shartnoma imzolangan. Braziliyalik legioner "Dinamo" safiga "Betim" klubidan erkin agent sifatida qo'shildi. U joriy mavsumning birinchi davrasini Braziliya S Seriyasining "Pozu-Alegri" klubida o'tkazib, 3 o'yinda bitta golga mualliflik qilgan.

SHu tariqa Markos Kayk Ratino, Duglas Maykondan keyin jamoamizdagi 3-braziliyalik legionerga aylandi", – deyiladi klub matbuot xizmati xabarida.