"Qo'qon-1912": Ishonchni oqlagan legionerlarimiz

Ikkinchi davrada tarkibimizga kelib qo'shilgan serbiyalik o'yinchilar – Nikola Valentich va Darko Gojkovichlar o'zlarining ishonchli o'yinlari orqali qo'qonlik futbol ixlosmandlarining mehrini qozonishga muvaffaq bo'lishdi.

Serbiyaliklar “Qo'qon-1912” safiga yozda qo'shilishdi. “Qo'qon-1912” oliy ligada qolishga erishdi, demak legionerlar jamoa oldidagi vazifalarini bajarishdi.

Darko Gojkovich “Mashal”ga qarshi bahsda raqib darvozasiga gol urishga ham muvaffaq bo'ldi.

Aynan bu legionerlar tufayli jamoamizning mudofaa chizig'idagi muammolar bartaraf etildi.

O'tkazilgan o'yinlarda Nikola ham Darko ham o'zining eng yaxshi jihatlarini namoyish etishga harakat qilishdi. Bundan tashqari, xorijlik o'yinchilar maydon tashqarisida ham boshqalarga o'rnak bo'lishga intilishdi.

Bir so'z bilan aytganda ikki legionerimiz  ham jamoaning g'alabalariga o'zining munosib hissalarini  qo'sha olishdi.