PSJ muxlislari Neymarning uyi oldida norozilik namoyishi uyushtirishdi

 Muxlislar braziliyalik hujumchining uyi oldida “Neymar, yo'qol”, deb hayqirishdi. 

Eslatib o'tamiz, avvalroq parijliklarning muxlislari klub rahbariyati qarorgohi oldida jamoa tarkibini o'zgartirishni talab qilib namoyish o'tkazishgandi. Ular jamoa hujumchilari Lionel Messi va Neymar, bosh murabbiy Kristof Galte va prezident Nasser Al-Xelaifini haqorat qilishgandi.

 Neymar 2017 yildan beri PSJni himoya qilib kelmoqda. Futbolchi va klub o'rtasidagi shartnoma 2025 yilgacha mo'ljallangan. Braziliyalik hujumchi joriy mavsumda barcha turnirlarda 29 ta o'yinda maydonga tushib, 18 ta gol va 17 ta golli uzatmani amalga oshirdi.