Prevyu. Yiqilgan kurashga to'ymas yoxud alamzada AGMK "Metallurg"dan qasos oladimi?

Mazkur uchrashuv oldidan bir nechta qiziqarli malumotlar va faktlarga to'xtalib o'tamiz.

UCHINCHI URINISHDA KIM G'OLIB?

AGMK - "Metallurg" ishtirokidagi  o'yin joriy yil bo'yicha uchinchisi hisoblanadi. Superligadagi ikki bellashuvda omad bekobodliklarga kulib boqdi (0:1, 0:1). Qiziq holat shuki, ikki uchrashuvda ham olmaliqliklar to'liq tarkib bilan harakat qilgani yo'q. Birinchi davradagi bahsda Sardor Rahmonov va SHohruh Gadoev chetlatilgan bo'lsa, ikkinchi davrada ham deyarli shu holat takrorlandi, Rahmonov yana bir bor qizil kartochka bilan jazolandi. Uning diskvalifikaciya muddati tugagan. O'yin qaydnomasiga kiritilgan. Demak maydonga tushishi mumkin.

KUBOKLARDA METALLURG USTUN 

AGMK jamoasi o'z maydonida "Metallurg"ga qarshi maydonga chiqadi. Jamoalar shu kunga qadar mamlakat kubogida 4 marotaba o'zaro to'qnash kelishgan. Ustunlik bekobodliklar tomonida, 3ta g'alaba. Faqatgina 1ta uchrashuvda AGMK yutuqqa erishgan. Kubok doirasidagi oxirgi o'yin 2020 yilning dekabr oyida bo'lib o'tgan. O'sha oqshomda Mirjalol Qosimov shogirdlari qo'shimcha bo'limda to'p kiritib keyingi bosqichga yo'l olgandi.

12.12.2020. AGMK - "Metallurg" 4:3

21.05.2016. AGMK - "Metallurg" 2:3

25.03.2016. "Metallurg" - AGMK 1:0

09.03.2007. AGMK - "Metallurg" 0:1

O'ZARO O'YINLARDAGI 31-UCHRASHUV 

Barcha musobaqalarni hisoblaganda bugungi bellashuv jamoalar tarixidagi o'zaro 31- o'yin sifatida qayd etiladi. Superligadagi 2 g'alaba evaziga ustunlik  "Metallurg" tomoniga o'tdi. 17 g'alaba, AGMKda bu ko'rsatkich 15tani tashkil qiladi. To'plar nisbati 58-58. 

AGISHEV AGMK O'YINIDA BIR YILDAN SO'NG 

Bugungi uchrashuvni boshqarib boradigan referi Vadim Agishev 1 yildan so'ng yana AGMK boshqaruvidagi o'yinga tayinlandi. U so'nggi bor 2021 yilgi mavsumning 11-turida "Andijon" - AGMK o'yinini boshqargandi. "Metallurg" ishtirokidagi bahsda esa ikkinchi bor ishlaydi (birinchisi 2022 yil 3-tur "Metallurg" - "Surxon" 1:1).