Potter: "Yoqimsiz hissiyotlar"

Londonliklar so'nggi daqiqada gol o'tkazib yuborib, g'alabani qo'ldan chiqardi.

"O'ylagan ko'plab ishlarimizni amalga oshira oldik, biroq o'tkazib yuborilgan gollar dilni xira qilmoqda. Uch ochko olish uchun etarli darajada chiroyli o'yin ko'rsatdik deb o'ylayman. Ammo yaxshi himoyalana olmasang, natijaga ham erishib bo'lmaydi.

Standartlardan keyin to'p uchun kurashlarda mag'lub bo'lyapmiz, bunday holatlarda raqiblar xavfli vaziyat yaratishadi. "Everton"ga ham tan berish kerak. Ular vaziyatlardan gol urishda yaxshi bo'lishdi, biroq aslida biz yaxshiroq bo'lishimiz kerak edi.

Biz hujum qilayotgan vaqtda ularning himoyasi sochilib ketdi. Lekin biz himoyalanishimiz kerak bo'lgan vaqtda ular standartlar orqali katta bo'shliqlar yaratib olishdi, biz esa unday qila olmadik.

Feliks faol o'ynadi, Xavertc va Pulishich yaxshi harakat qilishdi, CHilluell va Jeyms etarli darajada kengroq ochilishdi. Enco va Kovchich yarim himoyada ishonchli harakat qilishdi. Barchamiz xafamiz, uch ochko olishni istagandik.

Kante zaxirada qoldi, u o'yinlarga tushishga tayyor. Aslida uning maydonda bo'lishi biz uchun foydali edi, biroq bunday og'ir o'yinda maydonga tushirish qiyin bo'lardi", - dedi Potter.