"U o'zgacha o'yinchi, Top transfer". Pep Gvardiola Husanov haqida juda iliq fikrlar bildirdi

"U tezkor o'yinchi edi, hamon tezkor o'yinchi - hech narsa o'zgarmadi. U juda ishonchli. Franciyada olti oy davomida yuqori darajada o'ynadi va bu erga keldi - bu oson emas.

Ammo, menimcha u o'zgacha o'yinchi. Bizning o'yin uslubimiz uchun juda, juda o'zgacha o'yinchi, u bizga juda ko'p yordam beradi, chunki biz yuqoriga ko'tarilib o'yin ko'rsatamiz. Orqadagi barcha poziciyalarda juda yaxshi harakat qilmoqda. Menimcha, u bunday harakatlarni qilishni yaxshi ko'radi.

Nima qilish kerakligini bosqichma-bosqich tushunish; bizga to'p bilan ishlash jarayonida u kerak, u buni uddalaydi. U juda yosh. U o'rgatish, tushuntirish juda oson bo'lgan yigit. U doim yaxshi mashq qiladi. 100%.

Top transfer. Men o'tgan mavsumda klub uni sotib olish bo'yicha ajoyib qaror qabul qilganini aytdim. U transfer bozoriga qo'yadigan bo'lsangiz, Top-10 jamoalar uni xohlaydigan yigit. Chunki unda noyob hislat bor. Himoyachilarda topish juda qiyin bo'lgan o'ziga xos xususiyatlar".

U ingliz tilida bemalol gaplasha olyapti. Hamma narsani tez o'rganib oladi. "Bir qadam yuqoriga ko'tarilish uchun "Men o'ylaganimdan ham yaxshiroqman", - deb fikrlashi kerak. Men unga doimo haqiqatda juda yaxshi ekanligini aytib ruxlantirishga harakat qilaman.

U uzun paslarni ijro etadi, uzoq masofaga uzatmalari yaxshi, chiziqlarni juda yaxshi kesadi, aqlbovar qilmas tezlikka ega. Shunchaki ko'proq jasorat kerak. Bu vaqt masalasi. U hali juda yosh. U qancha ko'p o'ynasa, shuncha ko'p tajriba orttiradi".

Eslatib o'tamiz, joriy mavsum Husanov "Manchester Siti" tarkibida barcha musobaqalarda 12 ta o'yinda maydonga tushdi.