O'zbekiston va Iordaniya o'yin oldi rasmiy mashg'ulotlarni o'tkazdi

Qosimov shogirdlari ikki guruhga bo'lingan holda bir soat davomida mashg'ulot olib bordi. Bugungi rasmiy mashg'ulotlarda asosan yoshlar tarkibi ishtirok etdi. Ularda Farhod Tojiev, Vohid SHodiev, Fozil Musaev va Islom To'xtaxo'jaev ham qo'shildi. O'zbekiston terma jamoasi bugungi mashg'ulotlarni asosan standartlar bilan ishlashga qaratdi. Qizil va ko'k libosga bo'lingan holda olib borilgan mashg'ulotlardan qisman bo'lsada ertangi tarkib malum bo'ldi.

Ertaga taxminiy boshlang'ich tarkib quyidagicha bo'ladi:

Eldor Suyunov - Egor Krimec, Islom To'xtaxo'jaev, Davron Xoshimov - Vladimir Kozak, Sardor Rashidov, Jamshid Iskanderov, Azamat Isroilov, Fozil Musaev - Farhod Tojiev, Igor Sergeev

Aytgancha ertaga har ikki jamoa oltitadan o'yinchini zaxiradan tushishga kelishib olindi.

19:00 dan boshlab esa Iordaniya terma jamoasi mashg'ulotlarni boshladi. Ushbu jamoa azolari esa asosan to'p bilan ishlash mashqlarini bajardi. Bir soat davomida individual harakatlar ustida ishladi.

Terma jamoalar markazi rasmiy shaxslarini malum qilishicha ertangi uchrashuvga ayni vaqtgacha bor yo'g'i 40 dona chipta sotilgan. Uchrashuvga bo'lgan qiziqish juda pastligi haqida kassa hodimlari aytib o'tmoqda.