O'zbek futbolining qorong'i tomoni - 23 aprelda “OUT” serialining premerasi bo'lib o'tadi

Janri bo'yicha sport dramasi va kriminal elementlarni o'zida jamlagan loyiha o'zbek kontentida realizmga yaqin, dolzarb ijtimoiy mavzularni ko'taradi.

10 qismdan iborat serial tomoshabinlarni futbol ortidagi yashirin dunyo — kelishilgan o'yinlar, shantaj va korrupciya bilan yuzma-yuz qiladi. Asar voqealari real hayotdan — Rossiyadagi jahon chempionati vaqtida olingan intervyudan ilhomlanib yozilgan.

Bosh qahramon — yosh futbolchi Jasur, u jarohatdan so'ng pul topish ilinjida noqonuniy stavkalar olamiga kirib ketadi. Dastlab majburiyatdek ko'ringan qaror uni qonun, sport olami va jinoyat dunyosi bilan to'qnashuvga olib keladi.

Scenariyning markazida — “sportda hamisha halollik va adolat uchun joy bor” degan g'oya yotadi. “OUT” — bu nafaqat futbol, balki tanlov, vijdon va tavakkal haqida hikoya.

Shior: “Barcha voqealar allaqachon o'ylab topilgan”.

“OUT” — bu gol emas, qaror hal qiladigan o'yin. Premera 23 aprel, faqat salomtv.uz da.