Oybek Qilichev “Andijon” jamoasi azosiga aylandi
27 fev 2019 18:14
Yangiliklar

Oybek Qilichev “Andijon” jamoasi azosiga aylandi

Joriy mavsumda Superligada munosib ishtirok etish uchun bel bog'lagan “Andijon” jamoasi chempionat startiga oz qolgan sari transfer bozorida faollashib bormoqda.

Jamoa rahbariyatining izlanishlari natijasida bir qator futbolchilar bilan kelishuvga erishilib, transferlar amalga oshirilmoqda.

Bugun "Burgutlar" jamoasi mamlakatimizning yana bir yorqin futbolchisi bilan shartnoma imzolashga muvaffaq bo'ldi.

Mamlakatimizning “Paxtakor”, “Navbahor”, “Olmaliq” jamoalari va 2011 yilda jamoamiz safida to'p tepgan, BAAning “Al SHaab”, Eronning “Paykan” va Malayziyaning “Perak” jamoalari sharafini himoya qilgan, O'zbekiston yoshlar, olimpiya va milliy terma jamoalarida o'ynagan yarim himoyachi Oybek Qilichev “Andijon” jamoasi safida faoliyatini davom ettiradi.

Malumot uchun:
F. I. O: Oybek Qilichev.
Tug'ilgan sanasi: 17.01.1989 yil
Ampluasi: Yarim himoyachi.
Fuqaroligi: O'zbekiston