Osiyoning eng yaxshi ayol murabbiyi erkaklar jamoasi bilan g'alaba qozongan

CHan Yuen Ting ayol bo'lishiga qaramay, erkaklar jamoasi sanalgan "Istern SK"ni Gonkong chempionati va Kubogida muvaffaqiyat sari boshlab borgan. Bunday natijaga erishish jahonda katta shov-shuv keltirib chiqardi. U ayollar orasida birinchi bo'lib yuqori divizionda erkaklar jamoasini boshqargan murabbiy sifatida tarixga kirgandi. Endi esa muvaffaqiyatga erishgan ayol sifatida nomini tarix sahifalariga yozdirdi.

- Bu mukofot men uchun syurpriz, chunki qachondir kun kelib bu erda turishim haqida o'ylamagandim. Boshqa nomzodlar ham juda yaxshi edi va ayollar futbolida ajoyib ishlashgandi. Marosimga taklifnoma olganimda sovrinni yuta olaman deb xayol qilmagandim. Mukofotni futbol klubiga bag'ishlayman. Ayol murabbiy uchun erkaklar jamoasida ishlash hayratlanarli, shu sababli "Istern" klubiga menga shunday imkoniyat va ishonch bergani sababli rahmat aytaman. SHu bilan birga murabbiylar shtabi va futbolchilardan minnatdorman, - deya takidladi Yuen Ting.