Oliy liga-2016. "Neftchi" posbonlari "penaltishunos"

Yakuniga etgan mavsumda hakamlar 78 marta penalti belgilashdi. Ularning 61tasi gol bilan tugadi.

17ta penaltidan keyin to'p darvozaga kirmadi. Darvozabonlar 10 marta 11 metrli jarima to'pidan yo'llangan zarbani qaytarishdi. 7ta zarba darvoza to'siniga (yoki ustun) tekkan yoki noaniq ketgan.

Penalti qaytarish bo'yicha "Neftchi" darvozabonlari boshqalarga o'rnak bo'lishdi. O'tkir Yusupov ham, Abdumavlon Abdujalilov ham mavsum davomida 2 martadan penaltidan yo'llangan zarbadan so'ng to'pni qaytarishga muvaffaq bo'lishdi.

Ikki bor penaltini qaytarishni "Nasaf" posboni Sanjar Quvvatov ham uddaladi.

2016 yilda bir martadan penaltidan yo'llangan zarbani qaytargan darvozabonlar: Davron Jo'raqulov ("Obod"), Javohir Ilyosov ("Mashal"), Akmal Ortiqov ("Olmaliq"), Nikita Ribkin ("Paxtakor").