Oliy liga. 16-turning ramziy terma jamoasi

Saytimiz vakillari odatga ko'ra tur ramziy terma jamoasini tuzib chiqishdi.

Darvozaga "SHo'rtan" posboni Alibek Turobovni qo'ydik. Sababi u Farg'onada "Neftchi" bilan o'yin qahramonlaridan biriga aylandi. Raqibning bir qator hujumlarini qaytargan Turobov uchrashuvga qo'shib berilgan oltinchi daqiqada Muzaffar Muzaffarov tomonidan tepilgan penaltini qaytarib jamoasini muqarrar mag'lubiyatdan qutqarib qoldi.

"Qizilqum"ning "Paxtakor" bilan durang o'ynashida himoyachi SHukurali Po'latovning xissasi katta bo'ldi. "Nasaf"ning o'ng qanot himoyachisi Akmal SHorahmedov "Qo'qon-1912" bilan o'yinda ajoyib o'ynadi. Tur sensaciyasini qayd etgan "Mashal" himoyachisi Sardor Rahmonov chempionlarga bittadan ortiq gol urishlariga imkon bermadi. "So'g'diyona" Jizzaxda "Bunyodkor" bilan nursiz durang qayd etdi, bunda mezbonlar vakili Sardor Qulmatovning xissasi katta bo'ldi.

"Navbahor"ning g'alabasiz seriyasi Toshkentda "Obod" bilan uchrashuvda yakuniga etdi. Azam Aliev shu kuni gol urib hisobni ochdi va qolgan vaziyatlarda ham faol bo'ldi. "Metallurg" Samarqandda "Dinamo"ni yirik hisobda taslim qilgan bahsa Murodjon Toshmatov hisobni ochdi. "Bunyodkor" safida Jizzaxda eng yaxshi o'ynagan futbolchi bu Otabek SHukurov bo'ldi, ammo gol urish nasib qilmadi. Nafaqat turning balki chempionatning eng chiroyli golini urgan Abdulloh Olimov "Lokomotiv" bilan bahs davomida ham raqibga haqiqiy bosh og'riq bo'ldi.

"Metallurg" to'purari Zohid Abdullaev "qaytmoqda". U Samarqanddagi bahsda o'z hisobiga ikkita gol yozib qo'yishga erishdi. "Buxoro"ning safarda "Olmaliq" bilan durang o'ynashiga Ivan Nagaevning goli sababchi bo'ldi. Aytgancha "Olmaliq" bu mavsum o'z uyidagi o'yinlarda birinchi bor to'p o'tkazdi, o'sha golni Nagaev urdi.

championat.asia talqiniga ko'ra 16-turning ramziy terma jamoasi

Darvozabon:
Alibek Turobov "SHo'rtan"

Himoyachilar:
SHukurali Po'latov "Qizilqum"
Akmal SHorahmedov "Nasaf"
Sardor Rahmonov "Mashal"
Sardor Qulmatov "So'g'diyona"

Yarim himoyachilar:
Azam Aliev "Navbahor"
Murod Toshmatov "Metallurg"
Otabek SHukurov "Bunyodkor"
Abdulloh Olimov "Mashal"

Hujumchilar:
Zohid Abdullaev "Metallurg"
Ivan Nagaev "Buxoro"