Nikola Lazarevich: "Biz yangi futbolchilar olib kelishni istagandik, biroq rahbariyat bunga ruxsat bermadi"

- "Lokomotiv"ni g'alaba bilan tabriklayman. Menimcha o'yin teng o'tdi, xatto golli vaziyatlar yaratishda ham. SHunchaki biz gol ura olmadik. Yangi futbolchilar "Lokomotiv"ning o'yinini kuchaytirgani ko'rinib turibdi: Safarov, Jaloliddinov... O'yin bosimga boy bo'lishini, ko'p kuch sarflanishini kutgandik. Va biz yana bir bor standartdan keyin gol o'tkazib yubordik. Biroz etiborni yo'qotib qo'ydik. O'yinni ko'rib chiqishimiz, xatolarni o'rganishimiz kerak.

- Sizda ajoyib asosiy tarkib bor. Biroq zaxira o'rindig'i juda tor. Ular o'yinni kuchaytira olishmayapti. Davralar oralig'ida yangi futbolchilarni olishni o'ylab ko'rmadingizmi?

- Biz istagandik, biroq rahbariyat bunga ruxsat bermadi.

- O'yinga bo'lgan reja qanday edi?

- Ikkinchi raqam bo'lib o'ynab, raqib bizga qaysi zonalarni ochib berishini ko'rmoqchi edik. O'yin davomida taktikalarni o'zgartirib ko'rdik. Raqib jamoa bizga qanotlarda bo'shliqlar taklif qilishini kutgandik. SHu sababli 4-5-1 taktikasiga o'tib, ikki qanot yarim himoyachilarini ko'proq hujum qilishini istagandik. 

- Bugun Temurxo'ja Abduxoliqov o'zini yo'qotib qo'ygandek ko'rinmadimi?

- Temurxo'ja - tajribali, ajoyib futbolchi. U birinchi davra to'purari bo'ldi. SHunchaki barchada shunday o'yinlar bo'ladiki, futbolchi o'z darajasini ko'rsata olmaydi. Kelasi o'yinda u yaxshiroq o'ynaydi, bunga shubxam yo'q.