"Navbahor": Jamoamiz bugun yig'iladi

Mustaqilligimizning 23 yillik bayramini yaqinlari qarshisida nishonlagan futbolchilarimiz bugun Toshkentda to'planishadi. CHempionatning Zominda “So'g'diyona” jamoasiga qarshi o'tadigan navbatdagi uchrashuvga jamoamiz aynan poytaxtda hozirlik ko'radi. Bu safargi yig'inda tajribali yarim himoyachilarimizdan biri Azim Ahmedov ishtirok eta olmaydi. Xabaringiz borki, Ahmedov ayni paytda Toshkentda o'tayotgan O'zbekiston terma jamoasining mashg'ulotlarida qatnashmoqda. Qisqa muddatlik tanaffusdan foydalanib, uylariga ketgan legionerlar Yuriy Rijko va Ruslan Kachurlar esa ertadan mashg'ulotlarga qo'shilishadi. Bolgariyadan taklif etilgan Petar Denchev o'z yurtiga bormaganligi bois yana birozdan so'ng boshlanadigan mashg'luotda ishtirok etadi.