Murabbiy jamoadan, futbolchilar esa murabbiydan zerikkan

Ikkala tomonda ham o'xshash holat. Klopp jamoasi mavsumni omadsiz tarzda o'tkazmoqda, muammo nimada ekanligi ham unchalik aniq emas, ehtimol murabbiy futbolchilardan, futbolchilar esa murabbiydan zerikkandir. "CHelsi" boshqaruvi Roman Abromovichdan amerikaliklarga o'tib ketgach, klub haligacha oldingi mavqeyini tiklay olmayapti. Transferlarga sarflanayotgan millionlardan hozircha naf yo'q. Mavsum avvalida jamoa boshqaruviga kelgan Grem Potter, vaziyat shu ketishda davom etsa istefoga chiqarilsa kerak. 

Ehtimoliy o'yin kartinasi

Mezbonlar "Enfild"da birinchi raqamli jamoa bo'lib o'ynashlari tabiiy, londonliklar esa asosan qarshi hujumlardan omadlarini izlashsalar kerak. Jamoalar o'rtasidagi so'nggi 4 o'yinning barchasida durang qayd etilgani, bugun bizni teng va qarama-qarshiliklarga boy bahs kutib turganidan darak.

"Liverpul"da Manening ketishi ortidan hosil bolgan kemtik haligacha bo'sh turibdi. Gol "mashinasi" deya olib kelingan Darvin Nunyesning ishlari o'xshamayapti, JCH kashfiyotlaridan biri Kodi Gakpoda moslashuv jarayoni kechmoqda. Klub so'nggi 5 o'yinda 6 gol urgan va 9 bor o'tkazib yuborgan. Mersisaydliklar o'rtacha bir o'yinda 1 gol bilan kifoyalinishmoqda, bu esa hujumkor o'yin uslubiga tayangan jamoa uchun qo'rqinchli holat. Yurgen Klopp "Liverpul"da o'zining so'nggi mavsumini o'tkazayotgandir ehtimol. Ushbu masalada Grem Potterga ham havas qilib bo'lmaydi. Bir Necha omadsiz o'yinlardan so'ng "CHelsi"da ishlayotgan mahalliy murabbiyning "ildizlari"ga "qurt" tushgan.  Londonliklarda ham tarkib tomonlama muammolar bor. Felish diskvalifikaciya sabab o'yinni o'tkazib yuborsa, Fofana, Sterling, Pulishich, Ris Jeyms, Ben CHilvel kabi futbolchilar hali jarohatidan forig' bo'lishmagan. Hujum chizig'idagi yo'qotishlar fonida londonliklarning yangi azosi, CHL guruh bosqichining eng tezkor futbolchilaridan biri Mixail Mudrikda  Premer-ligada debyut qilish uchun yaxshi imkoniyat bor. Umuman olganda ikkala jamoa ham optimal tarkibga ega emas, shu tomondan natijaning qanday bo'lishi ko'proq murabbiylarning taktik yurishlariga bog'liq.

Ko'ramiz va kuzatamiz...

Jaloliddin Xalilov.