Mundial oldidan. Eldor SHomurodov: "To'purar bo'lish niyatidaman"

"Yaxshi tayyorgarlik ko'rganmiz. Natija va yaxshi o'yin ko'rsatish uchun ketmoqdamiz. Hamma imkoniyat va sharoit yaratib berildi. Tayyorgarlikni kuchli tarzda olib bordik deya olaman. Bizning jamoani sovrin olishi uchun imkoniyatimiz etadi" , - deydi Eldor SHomurodov.

- Guruh bosqichida jamoalar imkoniyatini qanday baholaysiz?

- Bu yoshlar o'rtasida jahon chempionati va shu bois hammamizda imkoniyat bir xil. Raqiblarni imkoniyatini ko'rib chiqdik. Umuman hamma jamoa bir xil. Kuchli va favorit jamoa yo'q. Daxshatli jamoani ko'rmadim.

- O'zingiz uchun Jahon chempionatidan nimalarni kutmoqdasiz?

- Birinchi navbatda terma jamoamizning muvaffaqiyati. Xorij murabbiylari nazariga tushib Evropaga yo'l olishni maqsad qilganman. Jahon chempionatida to'purar bo'lmoqchiman. Hujum chizig'imizdan raqobat kuchli. Sardor Azimov, Ravshan Xursanov, Zabixulla O'rinboev kabi hujumchilarimiz ham bor. Ular bilan o'ynash men uchun qiyinchilik tug'dirmaydi. Nafaqat "Bunyodkor" klubi azolari balki boshqa futbolchilar bilan ham allaqachon bir jamoa bo'lganmiz. Ko'p vaqtdan buyon mashg'ulotlarni birga olib borganmiz va ahil jamoaga aylanganmiz.