Mirjalol Qosimov: "SHavkat Miromonovich bilan yutuqlarimiz davom etadi"

Saylovda hamyurtlarimizning faolligi kishini quvontirdi. Barchamiz o'z kelajagimiz uchun ovoz berdik. 5 dekabr kuni saylov natijalari elon qilindi, O'zbekiston Respublikasining navbatdagi Prezidenti - SHavkat Miromonovich Mirziyoev!

SHavkat Miromonovich Toshkentda bo'lib o'tgan saylov oldi tadbirlarida Ravshan Ermatov va Mirjalol Qosimovni alohida etirof etib o'tgandi.

"Mustaqillikka erishganimizdan so'ng ko'plab yutuqlarni qo'lga kiritdik. Sport sohasida erishgan natijalarimiz ham salmoqli. Buni so'nggi olimpiada o'yinlari ham aytib turibdi. Marhum Islom Abdug'anievich Karimov tomonidan olib borilgan sport siyosati xuddi shunday tartibda davom etishini eshitib quvondim. Biz sportchilar, bu borada SHavkat Miromonovichga qanot bo'lishimiz kerak. Sportimizni, ayniqsa futboldagi muvaffaqiyatlarimizni oshirish yo'lida biz ham o'zimizning qo'limizdan kelgan bilimimizni ishlatishga harakat qilamiz. U kishiga xalq katta ishonch bog'lamoqda. Bu borada, sportdagi barcha do'stlarim nomidan omad tilayman", - deydi Mirjalol Qosimov.