Mirfaz Muhiddinov: “O'yin ahamiyati? Keraksizdek tuyulgan har qanday o'yinda ham intriga bor”

“Buxoro” hamda “SHo'rtan” jamoalari o'rtasidagi o'rinbosarlar uchrashuvidan (1-0) so'ng mezbonlar futbolchisi, uchrashuvdagi yagona gol muallifi Mirfayz Muhiddinov ushbu o'yin hamda asosiy tarkib bahsi haqida fikrlarini bildirdi.

- Ochig'i ushbu o'yindan zavq oldim. To'p aksariyat vaqtda biz tomonda bo'ldi. SHunga munosib ravishda imkon boricha chiroyli o'yinimizni ko'rsatishga harakat qildik. Darvozaga ham ko'plab zarbalar berildi. Ammo shulardan faqat bittasigina to'rdan joy oldi.

Golim haqida nima deyishim mumkin? Albatta har qanday gol muallifiga yoqimli hissiyotlar baxsh etadi. Bu 12 yoki 13-golim. Umuman o'yin jihatidan bu mavsumdan ko'nglim to'ldi. Lekin haqiqiy bahoni murabbiylar berishadi. Agar shu ruhda ishlashda davom etsam keyingi mavsumda asosiy jamoada o'ynashga umid qilaman. Bu har qanday yosh futbolchining orzusi.

Ertangi o'yin ham ham qiziqarli o'tadi deb o'ylayman. To'g'ri bahs natijasi har ikki jamoaning ham turnir jadvalidagi o'rniga tasir ko'rsatmaydi. Ammo qidirsangiz har qanday o'yindan intriga topish mumkin. Masalan, sovrinli o'rinlar uchun kurashgan jamoamiz “SHo'rtan” bilan durang o'ynashgandi. Endi o'z muxlislarimiz qarshisida ulardan ustun ekanligimizni isbotlashimiz kerak. Qolaversa, “1000lik dovonni" zabt etishimizga uchtagina gol etmay turibdi. Mavsumni ajoyib statistika bilan yakunlashga nima etsin?! - deydi Mirfayz Muhiddinov.


"Buxoro" matbuot xizmati