Militao: "Man Siti" darvozasiga g'alaba to'pini qanday kiritishimni tasavvur qilyapman"
02 avg 2020 22:38
Yangiliklar

Militao: "Man Siti" darvozasiga g'alaba to'pini qanday kiritishimni tasavvur qilyapman"

Madridning "Real" klubi yarim himoyachisi Eder Militao ECHL 1/8 final bosqichi doirasida o'tkaziladigan "Manchester Siti"ga qarshi javob uchrashuvi oldidan o'z fikrlari bilan o'rtoqlashdi (birinchi o'yin – 1:2).

– "Man Siti"ga qarshi o'yinni asosiy tarkibda boshlaysiz. Bu haqda nima deya olasiz?
– Bu juda hayajonli. Men uchun takrorlanmas lahzalar. Ramos maydonda bo'lmaydi, shuning uchun maydonda bor kuchimni sarflashim kerak.
– "SHaharliklar"ning eng xavfli o'yinchisi kim deb hisoblaysiz?
– Ularning barchasi yaxshi... Gabriel Jezusni alohida takidlagan bo'lardim.
– Siz "qirollik klubi" libosida ancha o'ynadingiz, ammo hamon "Real" uchun gol urmagansiz. Klubdagi birinchi golingizni qanday tasavvur qilasiz?
– Manchesterda gol uraman deb tasavur qilaman. G'alaba to'pini boshim bilan kiritmoqchiman. Imkonsiz ishning o'zi yo'q, shuning uchun ilk golimni shunday tasavvur qilyapman.
– Uchrashuv oldidan "Real" muxlislariga nima demoqchisiz?
– Madridistlar, sardorimiz "Siti"ga qarshi o'ynamaydi, ammo men maydonda bo'laman. Yaxshi o'yin o'tkazaman, menga ishoning. Biz g'alaba qozonamiz!, – dedi braziliyalik himoyachi.

Malumot uchun, "Real" va "Manchester Siti" klublari o'rtasidagi uchrashuv 7 avgustdan 8 avgustga o'tar kechasi 00:00 da (Toshkent vaqti bilan) boshlanadi.

Havola :

Manba : Goal

Yangiliklarni Telegramda o'qing!

Reyting: +21