Mesut O'zil futbolchilik faoliyatini yakunladi

Germaniyalik 34 yoshli futbolchi bir kun avval Turkiya chempionatining 22-turidan o'rin olgan "Kayserispor"ga qarshi o'yinda (0:1) asosiy tarkibda maydonga tushgan, ammo 46-daqiqadayoq almashtirilgandi.

Turkiyaning “Fanatik” gazetasi jurnalisti Yakup CHinarning yozishicha, O'zil bugun ertalab Istanbuldagi mashg'ulotlarga kelmagan va jamoadoshlariga faoliyatini yakunlagani haqida aytgan. O'zil va turk klubi shartnomani bekor qiladi.

O'zil 2014 yil Germaniya terma jamoasi tarkibida jahon chempioni bo'lgan. SHuningdek, u "Real" bilan birga La Liga, Ispaniya kubogi va superkubogida g'alaba qozongan, "Arsenal" safida esa uch marta Angliya kubogi va bir marta superkubogini qo'lga kiritgan.

Joriy mavsumda 34 yoshli yarim himoyachi Turkiya chempionatida 4ta o'yin o'tkazdi.