Meddison Angliyaning bo'lajak o'yinlarini o'tkazib yuboradi

"Tottenxem" yarim himoyachisi Jeyms Meddison to'pig'idan olgan jarohati tufayli Angliya terma jamoasining bo'lajak uchrashuvlarini o'tkazib yuboradi. Bu haqda klub matbuot xizmati xabar berdi.

"Biz Jeyms Meddison to'pig'idan olgan jarohati tufayli Angliya terma jamoasi qaydnomasidan chiqarilganini tasdiqlashimiz mumkin.

Yarim himoyachi 2024 yilgi Evropa chempionati saralashi doirasidagi Malta va SHimoliy Makedoniyaga qarshi o'yinda ishtirok etmaydi hamda jamoaning bazasida klub tibbiyot xodimlari bilan reabilitaciyadan o'tadi", – deyiladi “Tottenxem” rasmiy saytida.

Meddison so'nggi transfer oynasida 46,3 million evro evaziga "Lester"dan "Tottenxem"ga o'tgandi.

Yarim himoyachi joriy mavsum barcha musobaqalarda 12 ta o'yin o'tkazib, 3 ta gol va 5 ta golli uzatmaga mualliflik qildi.