Markaziy Osiyo. Qozog'iston va Qirg'iz Respublikasida peshqadam o'zgardi, "Istiqlol" mag'lubiyatga uchradi, "Arkadag'" esa...
21 may 13:40
Yangiliklar

Markaziy Osiyo. Qozog'iston va Qirg'iz Respublikasida peshqadam o'zgardi, "Istiqlol" mag'lubiyatga uchradi, "Arkadag'" esa...

Markaziy Osiyo mamlakatlari chempionatlari bilan tanishtirishda davom etamiz.

QOZOG'ISTON

O'zbekistonlik futbolchilar
Odil Abdumajidov, Behruz Asqarov, Xurshid Muxtorov, Shahboz Umarov (barchasi – «Turon»)

Qozog'iston chempionatida 9-tur o'yinlari yakunlandi. Unda quyidagi natijalar qayd etildi:

«Oqjetpes» – «Aqtobe» – 1:3
«Atirau» – «Jetisu» – 1:1
«Ulitau» – «Astana» – 0:2
«Jenis» – «Qiziljar» – 0:0
«Qaysar» – «Turan» – 1:0
«Elimay» – «Qayrat» – 1:0
«Tobil» – «Ordabasi» – qoldirilgan

Ushbu turda eng ko'p tomoshabin «Elimay» – «Qayrat» uchrashuviga tashrif buyurgan (8300 kishi).

Turnir jadvalida «Aqtobe» birinchi o'ringa ko'tarilib oldi. Peshqadamlikdan tushgan «Qayrat» 23 ochko bilan eng yaqin taqibchi bo'lib turibdi.

To'purarlar ro'yxatida «Qayrat»ning yosh forvardi Dastan Satpaev va «Astana» hujumchisi Marin Tomasov 6 tadan gol urgan holda etakchilik qilmoqda.

10-tur o'yinlari 24–25 may kunlari o'tkaziladi:

24 may
«Qayrat» – «Oqjetpes»
«Astana» – «Jenis»
«Ordabasi» – «Ulitau»
25 may
«Jetisu» – «Aqtobe»
«Qiziljar» – «Elimay»
«Atirau» – «Qaysar»
«Turan» – «Tobil»

TOJIKISTON

O'zbekistonlik futbolchilar
Hamidullo Abduhakimov, Sardor Xursandov, Mirjalol Qosimov, Sanjar Rixsiboev, Diyor Shavqiev, Izzatilla Tursunov, Zoir Tursunov (barchasi – «Esxata»); Suxrob Berdiev, Bobur Qosimov, Abdujalil Manazarov, Mirzohid Mirzomahmudov, Jahongir Safarov, Sardor Saidov, Shahzod Shamsiddinov (barchasi – «Istaravshan»); Zafar Ismoilov («Hulbuk»); Firdavs Abdusalimov, Asiljon Begimqulov, Islom Toshpo'latov (barchasi – «Xo'jand»); Ayubxon Alimov, Rustam Qo'chqorov (barchasi – «Panjsher»).

Tojikiston chempionatida 9-tur o'yinlari ortda qoldi. «Istiqlol» safarda «Ravshan»ga imkoniyatni boy berib qo'yganiga qaramay, turnir jadvalida peshqadamlikni saqlab qoldi. O'tgan turda etakchidan ochko tortib olgan «Vaxsh» bu safar ham durang o'ynab, 1-o'ringa ko'tarilib olish imkoniyatini boy berdi.

To'purarlar jadvalida esa birato'la to'rt nafar futbolchi 5 tadan gol urgan holda etakchilik uchun kurash olib bormoqda.

Shuningdek, 9-turga tashrif buyurgan tomoshabinlar ko'rsatkichi elon qilindi. Unda eng yuqori ko'rsatkich 17000 nafar muxlisni tashkil etgan.

10-tur o'yinlari 21–30 may kunlari o'tkaziladi.

QIRG'IZ RESPUBLIKASI

O'zbekistonlik futbolchilar
Abdug'ani Kamolov («Abdish-Ata»), Ismoil Abdurakhmonov, Sarvar Ablaev, Jamshid Kobulov, Eldor Mamatkazin, Mirzokhid Mamatxonov, Nuriddin Nuriddinov, Muhammadali Tursunov (barchasi – «Alay»); Azamat Maksumov, Timur Nabiev (barchasi – «Asiagol»); Dadaxon Yusupov («Ilbirs»), Sherzod Abdullaev («Qirg'izoltin»), Aziz Kosibxonov («Muras Yunayted»), Farhod Mirahmadov, Sirojiddin Bashriddinov («Neftchi»), Xushnud Bozorov, Rustam Quchqorov, Shohruhbek Muratov, Otabek Mo'minov, Ismoilxon Oxunxonov, Akmal Rahimov, Shukurjon Rustamjonov, Maradona Safarov, Behruz Shodmonov, Andrey Sidorov, Saidumar Sodiqov, Jasurbek Umrzoqov (barchasi – «O'shSU-Aldier»); Islom Abdullaev, Izzatilla Abdullaev, Jahongir Qushoqov, Javohir Sohibov (barchasi – «O'zgan»), Ulug'bek Sharipov, Nurmuhammad Toshpo'latov (barchasi – «Talant»).

Qirg'iz Respublikasi chempionatida 10-tur uchrashuvlari ortda qoldi. Turning markaziy o'yinida «Alay» «Muras Yunayted»ni 2:1 hisobida mag'lub etib, turnir jadvalida 1-o'ringa ko'tarilib oldi.

To'purarlar jadvalida Romario Richard, Oleksiy Zinkevich va Eldar Moldojunusov 6 tadan gol urgan holda etakchilik qilmoqda.

11-tur o'yinlari 22–25 may kunlari o'tkaziladi.

TURKMANISTON

Turkmaniston chempionatida 11-tur bo'lib o'tdi. Unda quyidagi natijalar qayd etildi:

“Ashxabad” – “Kopetdag” – 0:0
“Shagadam” – “Arkadag'” – 1:4
“Merv” – “Nebitchi” – 0:0
“Altin Asir” – “Ahal” – 3:1

Turnir jadvalida 8 o'yindan 24 ochko jamg'argan «Arkadag'» peshqadamlik qilmoqda. «Ahal» 11 o'yinda shuncha ochko to'plagan holda ikkinchi o'rinda bormoqda. Turnir jadvalida 100 foizlik natija qayd etayotgan «Arkadag'» oradan uch kun o'tgach, mamlakat kubogi chorak finalida «Nebitchi» darvozasiga javobsiz 6 ta to'p kiritdi.