"Lokomotiv" futbolchisi OFK nigohida
02 mar 2019 07:33
Yangiliklar

"Lokomotiv" futbolchisi OFK nigohida

Teglar : OCHL "Lokomotiv"Arslonmurod Amanov

OFK rasmiy sayti Osiyo chempionlar ligasi guruh bahslari boshlanishi oldidan ishtirokchi klublar safiga kelib qo'shilgan eng yaxshi 10 nafar futbolchi haqida maqola chop etdi.

Quvonarlisi shundaki, ushbu futbolchilar orasida "Lokomotiv" yarim himoyachisi Arslonmurod Amanov ham bor. Malumki, turkmanistonlik yarim himoyachi o'tgan yilni "Buxoro" klubida o'tkazdi va mavsum yakunlangach erkin agent sifatida "Lokomotiv" tarkibiga qo'shildi.

Quyida OFK sayti versiyasiga ko'ra yangi klub safida OCHLda o'ynaydigan eng yaxshi 10 nafar futbolchini keltirib o'tamiz:

1. Sebastyan Jovinko ("Toronto" - "Al Hilol", Saudiya Arabistoni)

2. Rizo Guchannajod (APOEL - "Sidney" FK, Avstraliya)

3. SHoya Nakajima ("Portimonense" - "Al Duhayl", Qatar)

4. Leandro Damiao ("Internasonal" - "Kavasaki Frontale", Yaponiya)

5. Mehdi Torabi ("Saypa" - "Persepolis", Eron)

6. Maruan Fellayni (MYU - "SHandong Luneng", Xitoy)

7. Medhi Benatia ("Yuventus" - "Al Duhayl", Qatar)

8. Arslonmurod Amanov ("Buxoro" - "Lokomotiv", O'zbekiston)

9. Leandro Velaskes ("Johor Darul Tazim", Malayziya)

10. Luong Xuan Truong ("Xoang An Gia" - "Buriram Yunayted", Tailand)

OFK sayti Arslonmurod Amanovga shunday tarif bergan: "Lokomotiv" uchun bu yil Turkmaniston terma jamoasi sardorini o'z safiga qo'shib olishi eng katta transfer bo'lishi mumkin. 28 yoshli futbolchi Osiyo Kubogida o'zini ko'rsatishga harakat qildi va Yaponiya terma jamoasi darvozasiga juda chiroyli to'p kiritdi. Amanov bungacha "Oltin Asr" klubi bilan 2008, 2009, 2010 yillarda OFK Prezidenti Kubogida va 2017 yil OFK Kubogida ishtirok etgan. Mana endi Osiyo chempionlar ligasida ham o'zini sinab ko'radi.