Kroos Vinisius haqida: "Bernabeu" hushtak chalmagan o'yinchi buyuk bo'la olmaydi. Tanqid uchun doimo mashhur ismlar tanlanadi"

"Real"ning sobiq yarim himoyachisi Toni Kroos muxlislarning Vinisius Juniorga nisbatan hushtak chalishi haqida fikr bildirdi.

"Menga bir taniqli shaxs: "Bernabeu"da hushtak chalmagan o'yinchini buyuk deb bo'lmaydi, degan edi. 2019 yilda "Ayaks"ga 1:4 hisobida yutqazganimizda, men ham o'zimga nisbatan hushtak ovozini eshitganman. Aytish mumkinki, bu "Real"ning eng yaxshi jihati emas. Ammo bu ko'p jihatdan bu erda bo'lish, bu klub bilan shartnoma imzolash nimani anglatishini aks ettiradi.

Matbuot bo'ladimi, muxlislar bo'ladimi, kamroq tanilgan futbolchilarni kamdan-kam tanqid qilishadi. Yaxshimi-yomonmi, ular har doim mashhur ismlarni tanlashadi. Agar sizni o'yindan oldin hushtak bilan qarshilashsa, bu klub va boshqalar xohlagan narsaga - g'alaba qozonish va yaxshi o'ynashga erishishni qiyinlashtiradi. Hozirgi vaziyat shunday, u eng yoqimli emas va yagona chiqish yo'li - bu natijalar, ruhiy holat va yaxshi o'yindir. Biz buni boshdan kechirganmiz," dedi Kroos "Einfach mal Luppen" podkastida.