Kibersport. Artur Babaev o'ynaydigan "Evil Geniuses" jamoasi "The Boston Major"ning chorak finaliga chiqdi

Ushbu kibersportchimiz ayni damda o'z jamoasi ("Evil Geniuses") bilan AQSHning Masachusets shtatidagi "Vang" teatrida bo'lib o'tayotgan sovrin jamg'armasi 3 mln. dollar bo'lgan "The Boston Major-2016" turnirida ishtirok etmoqda.

Kecha Artur Babaev boshchiligidagi "Evil Geniuses" jamoasi ushbu musobaqaning nimchorak finalida "Wings Gaming" bilan kurash olib bordi. Hamyurtimiz o'ynaydigan jamoa raqiblarini ikki o'yinda ham mag'lub etib, turnirning chorak finaliga chiqishdi. Endi "Evil Geniuses" chorak finalda Rossiyaning mashhur "Virtus.pro" jamoasiga qarshi bahs olib boradi. Bu o'yin 9 dekabr kuni Toshkent vaqti bilan 20:00da boshlanadi.

Pul yutuqlari:

1-o'rin. 1 000 000 dollar.

2-o'rin. 500 000 dollar.

3-4-o'rinlar. 250 000 dollardan.

5-8-o'rinlar. 125 000 dollardan.

9-16-o'rinlar. 62,500 dollardan.