Kazemiro MYUga o'tgani haqida yana bir bor gapirdi

"Ilk navbatda, oilamdagilar bilan gaplashdim. Ular rozilik bildirishdi. Men faoliyatim va jismoniy holatimning eng cho'qqisiga chiqqan paytida top-jamoadan ketish imkoniyati paydo bo'ldi va bunday qaror chiqarish oson bo'lmadi. Oradan 2-3 yil o'tib, "Real"dan boshqasini istamasdim, chunki bu yoshda ligani o'zgartirish va boshqa top-klubga o'tishdan mano yo'q.

O'z rolimni APLda ham bajarib ko'rishni istadim. Meni quvontirayotgan jihat shundaki, bu er men tasavvur qilgandek ekan. Bu erda oson o'yinning o'zi yo'q: hatto etakchi autsayder bilan o'ynayotgan o'yinda ham g'olibni taxmin qilish qiyin bo'ladi. Agarda 90 foiz kuch bilan o'ynasangiz ham mag'lub bo'lishingiz mumkin. Hozirgi asosiy maqsadim – MYUni etakchilikka qaytarish va Braziliya bilan jahon chempioni bo'lish", – dedi Kazemiro.