Ikrom Aliboev - "Paxtakor" - "Lokomotiv" o'yini va chempionlik uchun kurashadigan jamoalar haqida gapirdi
14 mar 2024 15:25
Yangiliklar

Ikrom Aliboev - "Paxtakor" - "Lokomotiv" o'yini va chempionlik uchun kurashadigan jamoalar haqida gapirdi

Bir necha soatdan so'ng Superliganing 3-turidan o'rin olgan "Lokomotiv" - "Paxtakor" uchrashuvi boshlanadi.

Mazkur bellashuvdan oldin ikki jamoada ham O'zbekiston chempionligini qo'lga kiritgan Ikrom Aliboevga yuzlandik. Futbolchi derbi oldidan jamoalarning imkoniyatlarini baholadi.

Lokomotiv

Sardor Abdunabiev - 20', Damyan Krayishnik - 38', Ivan Bulatovich - 47'

Superliga. 3-tur

14/03/2024, 18:45

Tugadi

Paxtakor

45'

90'

Match-senterda ochish

"Ochig'ini aytganda Koreyada translyaciya bo'lmagani uchun o'yinlarni jonli efirda ko'ra olmadim. Lekin "Lokomotiv"ning "Metallurg" bilan, "Paxtakor"ning "Nasaf"ga qarshi o'yinlari videosini tomosha qildim. Bugun imkoniyatlar teng. "Paxtakor"da o'zgarishlar ko'p bo'ldi. "Lokomotiv" ham quyi ligaga tushib ketganidan so'ng yoshlarga ko'proq imkoniyat beryapti. Qiziq o'yin bo'ladi, deb o'ylayman.
Tarkib borasida "Paxtakor" tajribaliroq. Bejizga 5 yildan beri chempionlikni qo'lga kiritayotgani yo'q. Ko'p futbolchilar tark etganiga qaramay yoshlar yaxshi taassurot qoldiryapti. "Lokomotiv" ham yaxshi natija ko'rsatadi, degan taxminim bor. Tarkibda Sanjar Tursunov, Anzur Ismoilov kabi etakchilar borligini aytib o'tish mumkin. "Temiryo'lchilar" kuchli beshlikka kirsa kerak. "Paxtakor" joriy mavsumda ham sovrin uchun kurashadi.
Taxminimcha, o'yin durang bilan yakunlanadi. Ikki jamoa hisobida ham hozir bittadan g'alaba va durang bor. Bahs "Lokomotiv" maydonida bo'lib o'tadi. Qolaversa, chempionat boshi.
CHempionlik uchun kurashda har doimgidek jamoalar kurashadi. "Paxtakor", "Navbahor", "Nasaf" va "Neftchi"dan bittasi bosh sovringa ega chiqsa kerak",- deydi Ikrom Aliboev.