"Hakamlik darajasi tarixdagi eng past nuqtada!" - Jeff Stelling VARni keskin tanqid qildi

Uning fikricha, videotakrorlar tizimi hakamlarning masuliyatini o'ldirmoqda.

Muammo nimada?

Stelling Angliya Kubogi doirasidagi "Nyukasl" — "Aston Villa" (3:1) uchrashuvini misol qilib keltirdi. Mazkur bosqichda VAR tizimidan foydalanilmagan va hakamlar bir qator qo'pol xatolarga yo'l qo'yishgan.

Stellingning "achiq" gaplari:

"Hozir Angliyada hakamlik darajasi tarixdagi eng past nuqtada turibdi. Hakamlar ichida: «Hozir VAR aralashadi va mening haq yoki nohaqligimni aytadi», deb o'ylashadi. Temmi Abrahamning golini ko'ring — yaqqol ofsayd! Bayroqchani ko'taring! Lekin Premer-ligada ularni buni qilmaslikka o'rgatishmoqda".

Texnologiyalar zarari haqida:

Teleboshlovchining fikricha, VAR real vaqtda qaror qabul qiladigan referilarning mahoratini tushirib yubormoqda:

Hakamlar mustaqil qaror chiqarishdan qo'rqib qolishgan.

Yordamchi hakamlar aniq vaziyatlarda ham masuliyatni VARga tashlashmoqda.

Alan Shirer kabi afsonalar ham texnologiyasiz futbol ancha jozibaliroq ekanini takidlashmoqda.

"Shaxsan men hali ham VARsiz futbolni afzal ko'raman. Bu tizim hakamlarga faqat zarar keltirdi", — deya qo'shimcha qildi Stelling.

Eslatib o'tamiz, Jeff Stelling 1994 yildan 2023 yilgacha "Sky Sports" telekanalida faoliyat yuritgan va ingliz futbolidagi eng nufuzli ekspertlardan biri hisoblanadi.