Gvardiola: "Oldingizda CHL 1/4 finaliga chiqish turganida, charchoqlar haqida unutasiz"

15 mart kuni "shaharliklar" "Monako"ga qarshi CHempionlar ligasi 1/8 final javob uchrashuvini o'tkazadi. 19 mart kuni esa ularni "Liverpul"ga qarshi APLning 29-tur bahsi kutib turibdi.

"Kim bilan va qachon o'ynashning ahamiyati yo'q. Sizda CHempionlar ligasi chorak finaliga chiqish imkoniyati bo'lsa, xohishning o'zi charchoqni yo'qqa chiqaradi. Biz birinchi uchrashuvda g'alabaga erishdik va chorshanbadagi o'yinda ham zafar quchamiz. G'alabaga tashlangan ilk qadam - siz o'zingiz istagan narsaga erisha olish ishonchidir" - deydi Gvardiola.

"Manchester Siti" ilk bahsda "Monako"ni 5:3 hisobida taslim etgan. Javob o'yini Monakoda bo'lib o'tadi.