Gvardiola Husanov haqida: "Boshlang'ich tarkibdagi joy hech kimga kafolatlanmagan"

Gvardiolaning aytishicha, bu almashtirish futbolchiga berilgan sariq kartochka hamda murabbiylar shtabining chap qanot himoyasini mustahkamlash istagidan kelib chiqqan.

"Husanov sariq kartochka olganidan so'ng tavakkal qilishni xohlamadik. O'sha paytda biz chap qanotni kuchaytirishimiz kerak edi. Niko kutilganidan ko'proq daqiqa o'ynadi, Yoshko esa himoya markazida o'ynay boshladi. Bizda jarohatlanganlar bor edi va ixtiyorimizda faqat yosh Vitor bilan Husanov qolgandi", – dedi Gvardiola.

Gvardiola, shuningdek, tarkibdagi o'rin uchun kurash doimiy ekanligi va hech kim bunga oldindan ishonch hosil qila olmasligini takidladi:

"Bu holat shuni ko'rsatadiki, boshlang'ich tarkibdagi o'rningni kafolatlangan deb hisoblash mumkin emas. Ertangi o'yin ham bunga kafolat bo'la olmaydi".

Abduqodir Husanov shu yilning yanvar oyida Franciyaning "Lans" jamoasidan "Manchester Siti"ga o'tgandi. Transfer qiymati taxminan 40 mln evroni tashkil etdi. O'shandan beri 20 yoshli o'zbekistonlik himoyachi Angliya Premer-ligasida 6 ta o'yinda maydon tushdi.