Guti: "Zaxirada Beyl va Azar o'tirgandi, ammo "Klasiko"dagi birinchi o'zgarish – Mariano"

"Real" 12-13 futbolchi bilan butun mavsum o'ynay olmaydi. CHempionlar Ligasi, La Liga va Ispaniya Kubogi uchun kurashishni istagan katta klub faqatgina 14 futbolchidan iborat bo'lishi mumkin emas.

O'zi nimalar bo'lyapti? "Real"da o'ynashni istamaydigan har qanday futbolchi klubda qolmasligi kerak. Barchasi oddiy. Buni aynan hozir ochiq aytishsin!

Klub yoki Karlo Anchelotti ana shunday futbolchiga aytishlari zarur: "Matbuot anjumaniga bor va "Real Madrid" safida o'ynashni istamasligingni ayt. "Real" senga oylik to'layapti, lekin sen nega o'ynamayapsan?

Agar sendan mavsumda bir marta maydonga tushishni so'rashdimi bu ishni astoydil, imkoni boricha yaxshiroq bajarishing zarur.

SHunaqasi ham bo'larkanmi? Aytaylik, men Anchelottiman, zaxira o'rindig'iga qarayapman, u erda Azar, Yovich, Beyl, Iskoni ko'ryapman... Va siz menga ulardan hech biri maydonga tushib foyda keltirolmaydi demoqchimisiz? Gap nimada axir? Tushunolmayapman.

"Klasiko"ni ko'ryapman, "Real" zaxira o'rindig'iga qarayapman va ikkinchi bo'limda "Madrid"ning birinchi alishtirgan o'yinchisi – Mariano. U erda Beyl va Azar o'tirarkanda, "Real" esa bu mavsum necha daqiqa o'ynagani nomalum Marianoni "jangga" tashlasa", – dedi Guti "El Chiringuito" efirida.