"Fenerbaxche"ning yangi prezidenti Mourinyuni jiddiy tanqid qildi

2024 yil iyunida jamoa boshqaruviga kelgan portugaliyalik murabbiy avgust oyi oxirlarida istefoga chiqarilgandi.

"O'tmishni gapirishdan mano yo'q. Yozgi yig'in juda yomon o'tgani haqida gapirganimga o'zim afsuslanganman. Batafsil gapirishni istamayman, biroq Portugaliyada jamoa bir kunda bir marta shug'ullanardi. Boshqa hech nima demayman.

Yangi futbolchilar kelganida Mourinyu hali ishlayotgandi. Oradan 5 hafta o'tib jamoadan ketdi. U sababli bizning mavsumoldi tayyorgarligimiz rasvo o'tdi, buning asorati haligacha ko'rinmoqda.

O'sha paytda klubda hayot o'lgandek ko'ringandi - men hali ham yumshoq qilib aytyapman. Klub qarorgohiga kelganimda buni o'z ko'zim bilan ko'rganman", - dedi Saran.