Farhod Nishonov: "Bu erda futbol o'ynash juda qiyin bo'lyapti"

"Jayhun"ni g'alaba bilan tabriklayman. Tan olish kerak, ular bizdan har tomonlama yaxshi o'ynadi. Ishtiyoq va jamoaviy o'yin evaziga haqli tarzda g'alaba qozondi",- deydi Farhod Nishonov. 

- Muhammadali Reimovning qizil kartochkasi haqida...

- Bu vaziyatni o'yindan keyin ko'rsak bo'ladi. Lekin yotgan futbolchini tepgan bo'lsa oqlamayman, chunki bu yaxshi emas. Aytishim mumkinki, biz 10 kishi qolib yutqazdik. Shuncha tayyorgarlik ko'rdik, butun boshli shtab ishlamoqda. Rahbariyatimiz sharoit qilib beryapti. Lekin bitta futbolchini o'zini nazorat qila olmasligi, o'ziga ortiqcha baho berishi oqibatida butun boshli katta shtabning ishini yo'qqa chiqardi. 

-  "Olimpik Mobiuz" jamoasi Qoraqalpoq klublari bilan o'yinlarda ochko yo'qotmoqda...

- Albatta, bu erda futbol o'ynash juda qiyin bo'lyapti. Biz bu maydonga moslasha olmayapmiz. Shuning evaziga ko'p ochko yo'qotmoqdamiz. Biz ko'proq to'p bilan ishlaymiz, ammo buning imkoni bo'lmayapti.