Faoliyatini tugatgan Muhammad Nur 4 yilga diskvalifikaciya qilindi
16 dek 2016 08:23
Yangiliklar

Faoliyatini tugatgan Muhammad Nur 4 yilga diskvalifikaciya qilindi

Saudiya Arabistoni terma jamoasi sobiq yarim himoyachisi Muhammad Nur doping qabul qilgani uchun 4 yilga diskvalifikaciya qilindi.

O'tgan yil noyabr oyida sportchining qonida amfetamin moddasi topilganida mahalliy federaciya uni 4 oyga futboldan chetlatgan edi. Biroq FIFA bu jazoni juda engil deb hisobladi va Lozannadagi Sport arbitraj sudiga murojaat qildi. KAS yarim himoyachini 4 yilga diskvalifikaciya qildi.

Nur faoliyatini "Al-Ittihod"da o'tkazdi. Ikki marta OCHL g'olibi va 7 marta Saudiya Arabistoni chempioni bo'lgan. Terma jamoasi bilan bir marta Konfederaciyalar kubogida va ikki bor Jahon chempionatida ishtirok etgan. Iyun oyida Nur 38 yoshida futbolchilik faoliyatini tugatdi.