Eshitdik-da! "Neftchi" navbatdagi transferni amalga oshirmoqda

Farg'onaning "Neftchi" klubi qishki transfer oynasida eng faol jamoa bo'lib turibdi. 14 yanvar kuni saytimizda farg'onaliklar Ibrohimhalil Yo'ldoshev bilan shartnoma imzolashi mumkinligi haqida xabar bergan edik. "Championat.asia" olgan malumotlarga ko'ra, "Neftchi" va Yo'ldoshev o'zaro kelishuvga erishib bo'lgan. Klub tez orada ushbu transferni elon qiladi. Himoyachi ayni paytda Toshkentda. Futbolchining "Pari NN" bilan tuzgan shartnoma yozda yakunlanadi.

"Qayrat" jamoasi ayni paytda Turkiyada yig'in o'tkazmoqda va unda Ibrohimhalil ishtirok etmayapti.