"El Klassiko"gacha...
21 mar 2022 00:40
Yangiliklar

"El Klassiko"gacha...

"Real Madrid" - "Barselona" qarama-qarshiligi o'yin boshlangunga qadar ham davom etadi.

"Real Madrid" — "Barselona"
Real Madrid – Kurtua, Karvaxal, Alaba, Militao, Nacho, Valverde, Modrich, Kroos, Kazemiro, Rodrigo, Vinisius Junior.
Barselona – ter Stegen, Arauxo, Pike, Erik Garsiya, Alba, Buskets, de Yong, Pedri, Obameyang, Dembele, Ferran Torres.

YANGILASH

Xavi esa "Real"ni favorit deb atadi.

"Jamoamiz juda yaxshi davrni o'tkazayotganini ko'rsatish uchun zo'r imkoniyat. Bu o'yinda biz individuallikni va raqib maydonida ham o'z o'yinimizni ko'rsata olishimizni isbotlashimiz kerak.
O'yinda favorit "Real". Ular o'z maydonida o'ynamoqda, shuningdek, chempionatda peshqadam bo'lib turishibdi", - deya fikr bildirdi.

Madridliklar ustozi Karlo Anchelotti o'yin haqida fikr bildirdi.

“Biz g'alaba qozona (Benzemasiz ham) olamiz. U 34 yoshdagi futbolchi va bazida shunday jarohatlar bo'lib turadi. Bu o'ta jiddiy muammo emas va u juda tez sog'aymoqda”, deydi Anchelotti.

Mezbonlar tarkibida Benzema va Mendi, mehmonlardan esa Balde, Dest, Umtiti, Serxi Roberto va Fati uchrashuvni o'tkazib yuborishi deyarli aniq.

Ayni damda "Real" 66 ochko bilan turnir jadvalida peshqadam, "Barsa" esa 51 ochko to'plagan holda 4-o'rinda bormoqda.

"Barselona" "Real"ni so'nggi bor 6 o'yin avval — 2019 yilda mag'lubiyatga uchratgan.

"Real Madrid" so'nggi 5 o'yinda g'alaba qozonmoqda va gol urmoqda. "Barselona" esa 11 o'yindan beri yutqazmayapti. Kataloniyaliklar oxirgi 19 bahsning 17 tasida raqib darvozasini ishg'ol qilmoqda.

Uchrashuvni Xuan Martines Munuera boshchiligidagi hakamlar brigadasi boshqarib boradi. Unga qanotlarda Migel Martines Munuera, Diego Barbero Sevilya yordam beradi.

Eden Azar "Real"da so'nggi 3 yil davomida "El Klassiko"da maydonga tushmagan.

SHu paytgacha Ispaniyaning ikki grandi 248 marta o'zaro to'qnash kelgan. Ulardan roppa-rosa 100 tasida "Qirollik klubi", 96 o'yinda esa "ko'k-anorranglilar" g'alaba qozonishgan. 52 bahsda esa tarozi pallalari teng kelgan.

Eslatib o'tamiz, joriy uchrashuv soat 01:00 da start oladi. Uchrashuv matnli translyaciyasini saytimiz orqali kuzatib borishingiz mumkin.