Doston Tursunov: Turnir jadvalida yanada teparoqda turishimiz mumkin edi

«Oyin keskin kurashlarga boy o'tdi. Raqibimiz chempionlik uchun kurashayotgan jamoalardan hisoblanadi. Ular asosan yakkakurashlarga asoslangan futbol ko'rsatishadi. Ularni yaxshilab o'rganib chiqdik. Ular asosan uzun uzatmalar orqali harakat qilishadi. Rejalarini amalga oshirmaslikka harakat qildik. O'yin bizning nazoratimizda o'tdi va biz ushbu bahsda g'alaba qozondik»,-dedi Doston Tursunov.

Doston Tursunov himoyadan ko'ra ko'proq hujumda o'ynadi. Bu siz uchun qanchalik qiyinchilik tug'dirdi?

Bugun biz asosan hujum qildik. SHu sababli ham ko'proq hujumda o'ynashga harakat qildim. Hozirgi zamonaviy futbolda qanot himoyachilari ko'proq hujumda o'ynashga harakat qiladi va biz ham shunga harakat qilmoqdamiz.

Hammaga manzur bo'layotgan jamoa 17 ta turdan so'ng turnir jadvalida 22 ochko bilan 7 o'rinda ketmoqda. Bu jamoaga yanada teparoqda bo'lishi uchun nimalar etishmadi?

Turnir jadvalida yanada teparoqda turishimiz mumkin edi. “Olimpik” jamoasi ilk bor Superligada ishtirok etmoqda, shu sababli bo'lsa kerak bizga ozgina tajriba etishmayapti. Ko'p o'yinlarda g'alaba qozonsak bo'lardi. Ko'proq durang o'ynadi va ko'plab ochkolarni yo'qotdik. CHempionat davomida yanada yaxshi harakat qilib, teparoqda bo'lishga harakat qilamiz.