Dmitrie Pobulich: "Yarim himoyadagi raqobat? Biz bir jamoa, yani "Bunyodkor"miz"

Saytimiz muxbiri Abdulaziz Iskandarov bilan bo'lgan suhbatda futbolchi ikkinchi davraga tayyorgarlik, Minsk yig'ini va poziciyasidagi raqobat haqida ham to'xtalib o'tdi. 

"Hujjatlar bilan bog'liq muammolar tufayli birinchi davrada maydonga tushganim yo'q. O'ylaymanki, hammasi ortda qoldi. Jamoaga yordam berishga tayyorman. O'ylaymanki, ikkinchi davrada nimalarga qodirligimni ko'rsataman",- deydi Pobulich. 

- Klub yozgi transferlar vaqtida yarim himoya chizig'ini kuchaytirishga erishdi. Natijada yaxshigina raqobat yuzaga keldi...

- Raqobat bo'lgani juda yaxshi. Biz hammamiz bir jamoa yani "Bunyodkor"miz. Hozirda yaxshi formadamiz. Oldinda Superliga va kubok bahslari bor. Tarkibda tanlov imkoniyati keng.

- Minsk yig'inidan qanday xulosalar chiqarildi? 

- Ikki hafta katta kuch bilan ishladik. Biz chempionat startiga shaymiz. Oldinda "So'g'diyona" bilan bahs kutib turibdi. Ikkinchi davrani g'alaba bilan boshlash yoqimli. 

- Birinchi davradagi chempionat bahslarini tashqaridan kuzatdingiz...

- Bu erda hamma jamoadan ochko olish mumkin. Superliga sifatli tarzda o'tyapti. Ligada o'sish va oldinga intilishni sezdim. "Bunyodkor"ning maqsadi har bir o'yinda yuz foiz kuch bilan o'ynash. O'zbekiston kubogini qo'lga kiritish va mavsumni yuqori o'rinlarda yakunlashni istaymiz.