"Dinamo" nazorat bahsida Qirg'iz Respublikasi klubini yirik hisobda mag'lub etdi

Issiqko'ldagi bahsda Vadim Abramov shogirdlari Qirg'iz Respublikasi chempionati vakili "OshMU Aldier" jamoasiga qarshi bahs olib bordi. O'yindagi dastlabki gol jamoamizda ko'rikda bo'lgan SHerzod Qodirovning uzatmasidan keyin Iminov tomonidan kiritilgan bo'lsa, ko'p o'tmay Abdullaevning uzatmasini SHoahmedov golga aylantirdi. 37-daqiqada esa SHoahmedovning pasidan keyin SHerzod Qodirov hisobni yiriklashtirdi – 3:0.

Ikkinchi bo'limda tarkib to'liq o'zgardi, faqatgina Kojo maydonda qoldirildi. 50-daqiqada Xalilovning uzatmasini Hojimirzaev golga aylantirgan bo'lsa, 78-daqiqada jamoamizda ko'rikda bo'lgan braziliyalik yarim himoyachi da Silva gol muallifiga aylandi. O'shliklar 53 va 90-daqiqada gol urishdi, yakuniy hisob – 5:2. 

"Dinamo"ning qo'shni mamlakatdagi yig'ini 22 iyulgacha davom etadi.

O'rtoqlik uchrashuvi. Issiqko'l.

17 iyul (chorshanba)

"OshMU Aldier" (Qirg'iz Respublikasi) – "Dinamo" 2:5

Gollar: Humoyunmirzo Iminov 9, Sanjar SHoahmedov 12, SHerzod Qodirov 37, Anvarjon Hojimirzaev 50, Da Silva 78 – 53, 90.  

"Dinamo" (1-bo'lim): Ravshanbek Yagudin, Muhammadali Tursunov, Dushan Miyich, Salim Mustafoev, Ulug'bek Abdullaev, Ratino Ferreyra, Abubakr Muydinov, Humoyunmirzo Iminov, Sanjar SHoahmedov, SHerzod Qodirov, Kojo Joel.

2-bo'lim: Farhod Rahmatov, Vladimir Kozak, Ismoil, Vohidjon Oqbo'taev, Xislat Xalilov, Komil SHarofutdinov, Francis Narx, Damir Temirov, Da Silva, Anvarjon Hojimirzaev, Kojo Joel.