Davron Fayziev: "Qizilqum" bizga hech qanday imkoniyat qoldirgani yo'q"

"Barchani yangi mavsum bilan tabriklayman. O'yin borasida "Qizilqum" jamoasi haqiqiy ishtiyoq, xarakter evaziga g'alaba qozondi. Mezbonlarda imkoniyat ko'proq bo'ldi. Raqib bizni xato qilishga majbur qildi. Himoyachilarimiz qo'pol xatolarga yo'l qo'yishdi. Buning natijasida biz yirik hisobda yutqazdik. "Qizilqum" bizga hech qanday imkoniyat qoldirgani yo'q. Har bir xatoda ular bizni jazolashdi. Agar biz birinchi gol urganimizda balki natija boshqacha bo'lishi mumkin edi", - deydi Fayziev.

- "So'g'diyona"ni bir qator tajribali futbolchilar tark etdi. Ularning o'rniga kerakli o'yinchilar talkif etildimi?
- So'nggi 3 yillik tarkibdan 10 foizi qoldi xolos. Murabbiy sifatida o'zimni oqlamoqchi emasman. Jamoa yutqazdimi demak menda ayb bor. Yangi tuzilgan jamoadan darhol natija talab qilish to'g'ri emas. Birinchi bo'limda o'yinimiz umuman qovushmadi.

- Birinchi turdagi natijalar kutilmagan bo'ldimi?
- Barcha uchrashuvlarda kutilmagan natijalar bo'ldi. "Qizilqum" ham yirik hisobda yutishini hech kim kutmagandi. "Dinamo" o'z maydonida yutqazdi, "Navbahor" mag'lub bo'ldi. Superkubok sohibi, chempion g'olib bo'la olmadi. Bu - futbol. Kimdir yutadi, kimdir yutqazadi. Jamoa g'olib bo'ladi, yutqazsa murabbiy yutqazadi.


"So'g'diyona" matbuot xizmati