Coca Cola Superligasi. "Nasaf" - "Lokomotiv" uchrashuvining sanasi o'zgardi

Mazkur bellashuv mezbonlar murojaati va mehmonlar roziligi bilan 29 avgustga o'zgartirildi. 

Bayram arafasida Qashqadaryo viloyati hokimligi dam olish kunida o'z rejalarini amalga oshiradi. Buning fonida katta futbol uchrashuvini o'tkazish shahar va undagi bir qator tashkilotlar uchun noqulaylik keltirib chiqarishi mumkin. SHundan kelib chiqib, uchrashuv bir kun keyin o'tkaziladi. 

Kelishuvga ko'ra, jamoalarning U21 chempionati doirasidagi to'qnashuvi asosiy tarkib o'yinidan bir kun keyin emas, bir kun oldin bo'lib o'tadi. 28 avgust sanasida har ikki klubning U21 jamoalari o'zaro to'qnash keladi. 

SHu tariqa 29 avgust kuni chempionatda 4 ta uchrashuv bo'lib o'tadi. Futbol hakamlari markazi VAR bilan bog'liq texnikadan foydalanishda mazkur holatdan kelib chiqib, o'z rejalarini tuzadi.