"CHelsi" va "Manchester Siti" asosiy futbolchilarini almashtirishi mumkin

"The Independent" xabariga ko'ra, "shaharliklar" London klubi futbolchisini Kayl Uoker bilan almashtirish variantini ko'rib chiqmoqda.

"Ris Jeyms ancha vaqtdan buyon Evropa grandlari nishonida bo'lib turibdi. O'tgan mavsumda trebl qayd etgan "shaharliklar" esa futbolchiga yaxshiroq g'oyalar va loyihalar taqdim qilish niyatida.

Ris varianti bir necha transferlar oynasi vaqtida ko'rib chiqilgandi. CHunki Uoker bir necha marta jamoasini almashtirish haqida o'ylagan. Ammo so'nggi yillarda yuqori sifatli o'yin ko'rsatayotgani uchun klub ham sotib yubormaslikni maqul ko'rayotgandi", - deb yozadi "The Independent" nashri jurnalisti Migel Dileyni.

Jeymsning "CHelsi" bilan shartnomasi 2028 yil yoziga qadar davom etadi.