Championat.asia saytining hakamlik bo'yicha eksperti: "Neftchi" va AGMK penalti tepmasligi kerak edi

"Neftchi" - "Qizilqum"

"Oson" penaltilardan biri. Himoyachi hujumchini ko'rmayapti, uning harakatlarida aniq maqsad yo'q. Hujumchi kontaktni kattalashtirishga urinmoqda. Katta ehtimol bilan himoyachi tomonidan ehtiyotsizlik bilan oyoq bosish holati ham bo'lmagan. Hujumchining o'zi himoyachi bilan kontakt bo'lishini xohlab yiqilmoqda. Oyoqlardagi engil kontakt esa penalti belgilash uchun kuchsiz sabab. Hakam xato qildi.

VIDEONI KO'RISH

AGMK - "Surxon"

Bu vaziyatda o'yinni davom ettirish kerak edi. Birinchidan, to'p tabiiy holatda bo'lgan qo'lga tegmoqda. Qo'l pastda va tana maydonini kattalashtirmayapti. Ikkinchidan, himoyachi hujumchidan ancha uzoqda joylashgan va to'pni ko'rib tovoni bilan uni to'xtatmoqchi bo'ldi. Bilamizki agar futbolchi to'pni o'zi anglagan holda o'ynasa va keyin to'p qo'liga tegsa penalti belgilanmaydi. Hakam xato qildi. To'g'ri qaror - o'yinni davom ettirish. Penalti uchun asos yo'q.

Ertaga ekspertimiz tomonidan Coca Cola Superliganing 17-turidagi barcha bahsli vaziyatlari uchun batafsil tahlil taqdim etiladi.