Championat.Asia 6 yoshga to'ldi!

Aslida 2010 yilning oktyabr oyida test rejimida ish boshlagan sayt dekabr oyi boshida OAV sifatida ro'yxatdan o'tkazilgan. SHu bois aynan 3 dekabr saytimizning tug'ilgan kuni sifatida nishonlab kelinadi.

Ortda qolgan 6 yil davomida saytimiz minglab o'quvchilarga ega bo'ldi. Xodimlarimiz turli yoshdagi Jahon chempionatlarida, Osiyo chempionatlarida, Osiyo o'yinlarida, Osiyo chempionlar ligasi va boshqa xalqaro musobaqalarini voqea joyidan yoritib borishdi. Bundan tashqari O'zbekiston ichki musobaqalarini muxlislarga taqdim etib bordi. Jahon va Evropa chempionatlari onlayn ravishda tezkorlik bilan yoritib borildi.

Bu davr ichida saytimizda faoliyat olib borgan yoki biz bilan hamkorlik qilgan barcha hamkasblarimizga minnatdorchilik izhor qilamiz. Sizlarning yordamingiz saytning rivoji uchun juda katta bo'lganini takidlaymiz.

Saytimizning 6 yillik to'yini yil oxirida o'tkazish rejalashtirilgan.

Biz bilan ekanligingizdan xursandmiz!

Tahririyat