Brendan Rojers: "Og'ir mag'lubiyat. Birinchi bo'limda o'yinni biz boshqargandik"

"73 daqiqa yaxshi o'yin ko'rsatdik, balki, uchrashuvdagi eng yaxshisi bo'lib ham turgandik, vaziyatlar yaratdik. Keyin esa xatolarimiz uchun jazolashdi. Futbolchilardan qo'rqmasdan o'ynash kerakligini so'radim, ular shunday qildilar ham. Ikki markaziy himoyachimiz fantastik o'yin ko'rsatayotgandi. Biroq g'alaba uchun ularning birini oldinga chiqarishimiz kerak edi. Ammo o'yindan ko'ra natija juda yomon bo'ldi.

Futbolchilarim uchun dardim bir. Ular bunga loyiq emasdilar. Yigitlar pressingda yaxshi o'ynashdi, xatolar esa natijaning o'zgarishiga sabab bo'ldi. SHunday o'yinlarda mag'lub bo'lgandan keyin ishonch ham pasayib ketadi. Haqiqatdan ham og'ir start bo'ldi. Endi esa tiklanib, o'zimizga kelib olishimiz uchun termalar o'yinlari bor.

Bosim kuchli bo'lmoqda. Har kuni o'z ishimni qilyapman. Muxlislarning bizdan ko'ngli soviyotganini tushunyapman. Buni yashirib bo'lmaydi. Bu holatga javob berishim kerak. Nima bo'lgan taqdirda ham klub egalarini hurmat qilaman. Ular meni qo'llab-quvvatlashmoqda. O'yinning qanday borganini hisob ko'rsatib bera olmadi, deb hisoblayman.

2:6 - juda qattiq hisob. Ketma-ket olti mag'lubiyat hech kimning foydasiga ishlamayapti. Ammo bugun o'yinning birinchi bo'limini biz boshqardik. Birinchi golni urgandan keyin yigitlarning miyasida g'alaba qozonib bo'lganlik fikri aylangandir. Ammo ular shunda ham oxirigacha kurashishdi", - dedi Rojers.